...

2013-cü ildə Azərbaycanda fişinq-hücumların sayı azalıb

Telekommunikasiya Materials 21 Yanvar 2014 15:02 (UTC +04:00)

Azərbaycan, Bakı, 21 yanvar /Trend, müxbir H.Vəliyev/

2013-cü ilin dekabrında AzNET seqmentində real fişinq-insidentlərin sayı noyabr ayı ilə müqayisədə 37,4 azalıb. Trend-in məlumatına görə, bu barədə "Netcraft" analitik şirkətinin hesabatında deyilir.

Hesabata əsasən, ötən ilin noyabrında Azərbaycanda hər 1389 saytın (.az domenində) payına fırıldaqçılar üçün bir səmərəli fişinq-hücum düşüb. Dekabrda isə bu rəqəm 869 ədəd azalıb.

2013-cü ilin yanvar ayının nəticələri ilə müqayisədə ötən ilin dekabrında AzNET seqmentində fişinq-hücumlar 43,69 faiz azalıb.

Təhlil "MozillaFirefox" və "InternetExplorer" brauzerləri üçün modul olan "NetcraftToolbar" proqramı əsasında hazırlanıb. Proqram istifadəçini potensial təhlükəli internet-resurslar, eləcə də fişinq-hücumların qarşısının alınması barədə xəbərdar edir.

"Netcraft"ın məlumatına görə, Azərbaycanda "NetcraftToolbar" hazırda 4346 fərdi kompyuterdə quraşdırılıb.

Fişinq-hücum populyar brendlərin adından kütləvi elektron poçt göndərişləri ilə həyata keçirilir. Məktubda zahirən həqiqidən fərqlənməyən bu brendin yalançı saytına bilavasitə istinad edilir. Belə sayta düşən zaman istifadəçi fırıldaqçılara akkaunt və bank hesablarına daxil olmağa imkan verən qiymətli informasiyanı ötürə bilər.

Məqalədə:
Xəbər lenti

Xəbər lenti