...

"Nar Mobile" mobil operatoru "Nar Donor" adlı sosial layihəyə başladı (FOTO)

Telekommunikasiya Materials 8 Aprel 2014 18:20 (UTC +04:00)
8-15 Aprel tarixlərində qanköçürmə aksiyaları keçiriləcək, enerji ötürən “Nar donor” kabelləri qan donorluğunu simvolizə edəcəklər
"Nar Mobile" mobil operatoru "Nar Donor" adlı sosial layihəyə başladı (FOTO)

Azərbaycan, Bakı, 8 aprel /Trend/

Hər zaman özünün korporativ sosial məsuliyyət strategiyasına sadiq qalan "Nar Mobile" mobil operatoru Azərbaycanda qan donorluğunu təşviq etmək məqsədilə "Nar Donor" adlı sosial layihəyə başladığını elan etdi. Belə ki, 8-15 aprel tarixlərində "Nar Mobile" və Mərkəzi Qan Bankı, Bakı şəhərində qanköçürmə aksiyalarını təşkil etməyi öhdələrinə götürdülər. "Android" ƏS-li smartfonlarının biri-birinə birbaşa enerji ötürmələrini təmin edən xüsusi kabellər aksiyanı simvolizə edəcəklər.

Aprelin 8-də JW Mariotte mehmanxanasında keçirilmiş mətbuat konfransında çıxış edən "Azerfon" şirkətinin baş icraçı direktoru Kent Maknili bu layihənin önəmindən bəhs edərək, "Nar Mobile" mobil operatorunun korporativ sosial məsuliyyət strategiyasından danışdı və layihənin yeni ictimai fikir formalaşdıracağına ümid etdiyini bildirdi. Jurnalistlərin suallarını cavablandıran Mərkəzi Qan Bankının direktoru Pərvanə Hacıyeva isə respublikada qan donoruna ehtiyac duyan yüzlərlə xəstə olduğunu və bu kimi aksiyaların çox gözəl bir presedent təşkil etdiyini vurğuladı. Mətbuat konfransında iştirak edən Beynəlxalq Talassemiya Federasiyasının üzvü Nailə Quliyeva da, öz növbəsində, bu kimi xeyriyyə tədbirlərinin beynəlxalq təcrübəsindən söhbət açdı, "Nar Donor" layihəsinin talassemiya xəstələri və digər qana ehtiyacı olanların şəfa tapmalarına yönəldilmiş misilsiz bir aksiya olduğunu qeyd etdi.

Bununla yanaşı, "Enerjini paylaş, telefon xilas et - qanını paylaş, insan yaşat" şüarı altında keçiriləcək aksiyaya ictimai diqqəti cəlb etmək məqsədilə, aprelin 8-də Fəvvarələr meydanı 6 ünvanda yerləşən "Nar dünyası" mağazasının qarşısında gənclərin ifasında möhtəşəm fleşmob aksiyası da keçirildi. Qan donorluğunu təşviq etmək məqsədilə, tanınmış ictimai simalar "Nar dünyası" mağazalarına gələrək aksiyaya olan dəstəklərini ifadə etdilər. Layihə çərçivəsində "Nar Mobile" mobil operatorunun satış mərkəzlərindən "Android" smartfonu əldə etmiş bütün şəxslər telefondan telefona enerji ötürən bu simvolik kabeli əldə edə biləcəklər. Qanköçürmə aksiyaları aprelin 8-dən 15-dək Mərkəzi Qan Bankında təşkil ediləcək. 9-11 aprel tarixləri arasında isə saat 14:00-dan 18:00-dək M.Cəfərov 3 ünvanda ("Memar Əcəmi" metro stansiyasının yaxınlığında) yerləşən "Nar Dünyası" mağazasına gələrək qan vermək mümkün olacaq.

Məqalədə:
Xəbər lenti

Xəbər lenti