Azərbaycan, Bakı, 9 iyun /Trend, müxbir H.Vəliyev/
2014-cü ilin yanvar-may aylarında AzNET seqmentində real fişinq-insidentlərin sayı 10,13 faiz azalıb. Trend-in məlumatına görə, bu barədə "Netcraft" analitik şirkətinin hesabatında deyilir.
Hesabata əsasən, Azərbaycanda ilin əvvəlində hər 896 saytın (.az domenində) payına fırıldaqçılar üçün səmərəli olan bir fişinq-hücum düşürdüsə, iyunun əvvəlinə bu göstərici 781 saytadək azalıb. 2013-cü ilin eyni dövrü ilə müqayisədə AzNET seqmentində fişinq-hücumların sayı 64 faiz azalmışdı.
Təhlil "MozillaFirefox" və "InternetExplorer" brauzerləri üçün modul olan "NetcraftToolbar" proqramı əsasında hazırlanıb. Proqram istifadəçini potensial təhlükəli internet-resurslar, eləcə də fişinq-hücumların qarşısının alınması barədə xəbərdar edir.
"Netcraft"ın məlumatına görə, Azərbaycanda "NetcraftToolbar" hazırda 3909 fərdi kompüterdə quraşdırılıb.
Fişinq-hücum populyar brendlərin adından kütləvi elektron poçt göndərişləri ilə həyata keçirilir. Məktubda zahirən həqiqidən fərqlənməyən həmin brendlərin yalançı saytına bilavasitə istinad edilir. Belə sayta düşən zaman istifadəçi fırıldaqçılara akkaunt və bank hesablarına daxil olmağa imkan verən qiymətli informasiyanı ötürə bilər.
