Azərbaycan, Bakı, 30 iyun /Trend, müxbir Hüseyn Vəliyev/
2014-cü ilin I yarımilliyinin yekunları üzrə AzNET seqmentində fişinq-hücumların sayı 26,68 faiz azalıb. Trend-in məlumatına görə, bu barədə "Netcraft" analitik şirkətinin hesabatında deyilir.
Hesabata əsasən, ilin əvvəlində Azərbaycanda hər 896 saytın (.az domenində) payına fırıldaqçılar üçün bir səmərəli fişinq-hücum düşüb. İyunun sonunda bu göstərici 648 saytadək azalıb.
2013-cü ilin eyni dövrünün göstəricisilə müqayisədə AzNET seqmentində fişinq-hücumların sayı yarıdan çox azalıb.
Təhlil "MozillaFirefox" və "InternetExplorer" brauzerləri üçün modul olan "NetcraftToolbar" proqramı əsasında hazırlanıb. Proqram istifadəçini potensial təhlükəli internet-resurslar, eləcə də fişinq-hücumların qarşısının alınması barədə xəbərdar edir.
"Netcraft"ın məlumatına görə, Azərbaycanda "NetcraftToolbar" hazırda 4539 fərdi kompüterdə quraşdırılıb.
Fişinq-hücum populyar brendlərin adından kütləvi elektron poçt göndərişləri ilə həyata keçirilir. Məktubda zahirən həqiqidən fərqlənməyən bu brendin yalançı saytına bilavasitə istinad edilir. Belə sayta düşən zaman istifadəçi fırıldaqçılara akkaunt və bank hesablarına daxil olmağa imkan verən qiymətli informasiyanı ötürə bilər.