Azərbaycan, Bakı, 14 oktyabr /Trend, müxbir Hüseyn Vəliyev/
Azərbaycan Beynəlxalq Bankının 100 faizlik mülkiyyətində olan "AzeriCard" prosessinq mərkəzi sistemin texniki yenilənməsinə başlayır.
AzeriCard-dan Trend-ə verilən məlumata görə, planlaşdırılmış yenilənmə işləri ilə əlaqədar olaraq, oktyabrın 15-dən 16-na keçən gecə prosessinq mərkəzinin fəaliyyəti saat 00:00-dan 06:00-a qədər dayandırılacaq.
Qeyd olunan vaxt ərzində plastik kartlar üzrə əməliyyatlar keçməyəcək. Yenilənmə işləri planlı xarakter daşıyır və ildə iki dəfə keçirilir.