Azərbaycanla Misir arasında poçt sahəsində əməkdaşlıq haqqında sazişin imzalanması 2006-cı ilə planlaşdırılıb. Rabitə və İnformasiya texnologiyaları nazirliyindən Trend ə verilən məlumata görə, Misir tərəfinin hazırladığı saziş layihəsi nazirlikdədir. Bu, Azərpoçt DM tərəfindən imzalanmış 15-ci saziş olacaq.
Sazişə hər iki ölkə arasında pul köçürmələrinin sürətləndirilməsi, poçt banderollarınının göndərilməsi və qəbul tariflərinin hazırlanması üzrə işlər daxildir.
Saziş noyabrın 16-dan 18-nə kimi İnformasiyalı Cəmiyyətə dair Dünya sammitinin Tunis mərhələsi (The World Summit on the Information Society (WSIS) zamanı hər iki ölkənin rabitə və informasiya texnologiyaları nazirləri Əli Abbasov və Tarek Kyamel arasında rabitə sahəsində əməkdaşlıq haqqında imzalanmış memorandum çərçivəsində bağlanacaq.
Nazirlikdən o da bildirilib ki, analoji saziş bir ay əvvəl İran və Vyetnamla da imzalanıb.
Bununla yanaşı, STEFİ sistemi ilə poçt pul köçürmələrinin həyata keçirilməsinə dair Rusiya, Belarus, Ukrayna, Qazaxıstan və Moldova ilə də sazişlər mövcuddur.
