Azərbaycanın bir çox İnternet-provayderləri ölkə bölgələrində işləməyi özləri üçün səmərəli hesab etmirlər. Trend xəbər verir ki, bu barədə bu gün Rabitə və İnformasiya Texnologiyaları Nazirliyinin dövlət qurumlarının fəaliyyətinin koordinasiya şöbəsinin müdiri Əflatun Məmmədov məlumat verib.
"Onlar müstəsna olaraq maliyyə əsasında fəaliyyət göstərir və burada hər-hansı məcburi tədbirlər tətbiq oluna bilməz", - deyə o qeyd edib.
Nazirlik nümayəndəsinin sözlərinə görə, Azərbaycanda 29 İnternet-servis provayder şirkəti qeydiyyata alınıb. Hazırda onlardan yalnız 20-si fəaliyyət göstərir. Şirkətin 2-si - AztelekomNet və Bakinternet dövlət qurumlarıdır.
