...

Mingəçevirdəki Azərbaycan kompüter zavodu məhsul ixracına başlamaq fikrindədir

Telekommunikasiya Materials 4 Oktyabr 2006 16:39 (UTC +04:00)

Trend-i buradan izləyin

Mingəçevir şəhərindəki "Kür" kompüter zavodu hazırda tam gücü ilə işləyir. Trend xəbər verir ki, bu barədə bu gün müəssisənin baş direktoru Rizvan Osmanov məlumat verib.

Onun sözlərinə görə, hazırda müəssisədə sutkada 140 kompüter istehsal olunur və kompüterlərə 3 il zəmanət verilir. "Müəssisənin fəaliyyəti Azərbaycanda məktəblərin kompüterləşdirilməsinə yönəldilib. Hazırda şirkət işçiləri ayrı-ayrı bölgələrdə kompüterləşdirilmə ilə məşğuldur və həmin işlərin qışın əvvəlinədək tamamlanması planlaşdırılır", - deyə o bildirib.

Müəssisənin ştatı 66 nəfərdən ibarətdir və onlar Bakı və Moskvada ixtisasın artırılması üzrə treninqlərdən keçiblər. Mart ayında "Kür" zavodu İSO 9001 2000 sertifikatını alıb.

Hazırda məhsulun Azərbaycandan kənarda satılması üzrə işlər görülür. "Bu məqsədlə Ukrayna auditor şirkəti müəssisədə ekspertiza keçirib və ekspertizanın nəticələri yaxın vaxtlarda təqdim olunacaq. İlin sonunadək əlavə 30 iş yerinin açılması planlaşdırılır", - deyə R.Osmanov qeyd edib.

Zavodun tikintisi 2004-cü ildə başlayıb və 2005-ci ilin may ayında başa çatıb.

Xəbər lenti

Xəbər lenti