Azərbaycan,Bakı/müxbir Trend S.Babayeva / Azərbaycan Rabitə və İnformasiya Texnologiyaları Nazirliyinin "Azərpoçt" Dövlət Müəssisəsi Dünya Bankı (DB) ilə birgə layihə çərçivəsində əsas tenderi elan etməyə hazırlaşır.
17,5 mln. dollar məbləğində olan "Maliyyə xidmətlərinin inkişafı" layihəsi Azərbaycanın poçt şəbəkəsinin müasirləşdirilməsinə yönəldilib. 12,25 mln. dollar kredit DB-nin, qalan hissə isə Rabitə Nazirliyi və Azərbaycan Milli Bankı qismində Azərbaycan hökumətinin payına düşür.
Bazar ertəsi nazirlikdən verilən məlumata əsasən, iyunun sonuna qədər mühasib uçotu üzrə proqram təminatının hazırlanmasına dair tenderin elan olunması planlaşdırılır. Müəssisənin maliyyə xidmətləri məhz bu sistemin bazasında göstəriləcək.
İlin sonuna qədər ümilikdə layihə çərçivəsində 4-5 tenderin keçirilməsi planlaşdırılır. İlin sonuna qədər pilot layihə qismində maliyyə xidmətləri əvvəlcə Bakı, Sumqayıt və Abşeron yarımadasında tətbiq olunacaq.