Gürcüstan, Tbilisi, 12 dekabr/ Trend , müxbir N.Kirtsxaliya/ Rusiya qoşunları yenidən Gürcüstanın Saçxer rayonunun Perevi kəndini tutublar, - Gürcüstanın xarici işlər naziri Qriqol Vaşadze cümə günü axşam jurnalistlərə bəyan edib. O, DİN-dən aldığı məlumatlara istinad edib.
Nazirin sözlərinə görə, hazırda Rusiya hərbçiləri səhərki - kənddən çıxanadək tutduqları mövqelərdə yerləşirlər. "Üzərinə müəyyən öhdəliklər götürən dövlət özünü belə məsuliyyətsiz aparmamalıdır.", - Vaşadze deyib.
O, Rusiya hərbçilərinin nə üçün qayıtdıqlarını izah edə bilməyib.
"Bu, Rusiya tərəfdən silahlı məzhəkədir", - Gürcüstanın xarici işlər naziri bəyan edib.