Türkiyənin Amasya vilayətində silahlı hücum nəticəsində Esençay şəhərinin meri və hakim partiya olan "Ədalət və İnkişaf" Partiyasının üzvü İlhan Ardunç öldürülüb. Bu barədə "Hürriyət" yazır.
49 yaşlı Ardunç öz evinin qarşısında güllələnib. Onu xəstəxanaya çatdırsalar da, həkimlər həyatını xilas edə bilməyib. Qətl üzrə araşdırmalar davam etdirilir.
Ardunç mer vəzifəsini ikinci dəfə icra edirdi və AKP-nin regional şöbəsinin üzvü idi.