Kamal Kılıcdaroğlu öz namizədliyini Türkiyə Cümhuriyyət Xalq Partiyasının rəhbəri postuna irəli sürüb.
Partiyanın keçmiş sədri Dəniz Baykal internetdə onun şəxsi həyatı ilə bağlı videoçarxın yayımlanmasından sonra istefa verməyə məcbur olub.
Kılıcdaroğlu ilə yanaşı bu vəzifəyə parlamentin deputatı Haluk Qoç, biznesmen Umut Oran və akademik Süheyl Batum da iddia edirlər.
2007-ci ildəki ümumi seçkilərdə hakim Ədalət və İnkişaf Partiyasının siyasətinə qarşı müxalifətə keçən CXP demokratik sol partiya ilə koalisiya qurub. Koalisiya seçicilərin 22 faizinin səsini qazanıb, 112 nəfər üzvü isə parlamentin deputatı olub.
Yeni liderin seçilməsi üzrə yekun səsvermə mayın 22-də keçiriləcək.