Azərbaycan, Bakı, 18 oktyabr /Trend/
Ermənistan hakimiyyəti azad və ədalətli, şəffaf və demokratik seçkilərin keçirilməsinə köklənib. Bu barədə Ermənistan Prezidenti Serj Sarkisyan Buxarestdə Avropa Xalq Partiyasının (AXP) qurultayı zamanı bildirib. Trend-in məlumatına görə, bu barədə ARKA xəbər verir.
Prezident deyib ki, bu məqsədlə ATƏT DTİHB-nin rəy və təklifləri əsasında hazırlıq tədbirləri görülür.
"...Biz bu dəfə də beynəlxalq müşahidəçilərin fəal iştirakını gözləyirik", - Sarkisyan deyib.
Ermənistanda prezident seçkiləri 2013-cü ilin fevralında keçiriləcək.