Azərbaycan, Bakı, 22 mart /Trend/
Türkiyənin Baş naziri Rəcəb Tayyip Ərdoğan cümə axşamı bildirib ki, PKK qruplaşması ilə sülhün bağlanması bütün regiona xeyir verəcək. Bu barədə TRT Türk xəbər yayıb.
"Diyarbəkirda keçirilmiş bugünkü mitinqi yaxşı siqnal kimi qiymətləndirmək olar. Amma onun iştirakçılarının mitinqə Türkiyənin heç bir bayrağını gətirməmələrinə gəldikdə, bu, mitinqin ruhuna ziddir", - Ərdoğan deyib.
Diyarbəkir şəhərində keçirilmiş nümayişdə PKK başçısı Abdulla Öcalanın müraciəti oxunub. Öcalan müraciətində qruplaşmanın üzvlərini təslim olmağa, ölkənin ərazisindən döyüş dəstələrini çıxarmağa və çoxillik münaqişənin nizama salması üzrə sülh danışıqlarına başlamağa çağırıb.
Türkiyənin baş nazirinin sözlərinə görə, o müsbət nəticələri gözləyir. "Aydlndlr ki, PKK-çılar təslim olmalıdır və Türkiyənin ərazisini tərk etməlidirlər. Biz bu mitinqi yüksək qiymətləndiririk, amma hər şey sonrakı hadisələrdən asılıdır. Biz əminik ki, əgər pozitiv dəyişikliklər olacaqsa, onda bu proses bütün regiona xeyir gətirəcək", - Ərdoğan deyib.
Türkiyə hökumətinin başçısı əlavə edib ki, Türkiyə ordusu PKK-çıların təslim olmasından sonra onlara qarşı bütün döyüş əməliyyatlarını dayandırılacaq.
...