Bakı. Trend:
Rusiya Prezidentinin İşlər İdarəsi Səudiyyə Ərəbistanının Kralı Salman bin Əbdüləziz Al Səudun Moskvada hava limanına enərkən təyyarəsinin trapında yaranmış problemə aydınlıq gətirib.
Trend-in məlumatına görə, İdarənin mətbuat katibi Yelena Krılova bildirib ki, həmin trap-eskalator Səudiyyə Ərəbistanından gətirilib.
O bildirib ki, İşlər İdarəsinin balansında belə trap yoxdur.
Xatırladaq ki, Kral təyyarədən enərkən trap-eskalatorda nasazlıq yaranmışdı.
Qeyd edək ki, oktyabrın 4-də tarixdə ilk dəfə olaraq Səudiyyə Kralı Rusiyaya səfər edib.