Bakı. Trend:
Rusiya Liberal Demokrat Partiyasının sədri Vladimir Jirinovski bəyan edib ki, Kseniya Sobçak Krım haqqında söylədiyi fikirlərinə görə cəzalandırılmalıdır. Trend-in məlumatına görə, partiya sədri daha sonra əlavə edib ki, Sobçak kimi namizədlər ucbatında 2018-ci ilin martında Rusiyada prezident seçkilərində səsvermədə iştirak edənlərin sayı az ola bilər.
Qeyd edək ki, K.Sobçak prezident seçkilərində iştirak dəcəyini bəyan etdiyi ilk mətbuat konfransında bildirmişdi ki, Krım Ukraynanın ərazisidir. O qeyd etmişdi ki, Rusiya-Ukrayna münasibətləri isə yenidən bərpa olunmalıdır.