Bakı. Trend:
Əfqanıstanın Cəlalabad şəhərində dəfn mərasimində partlayış baş verib.
Trend-in məlumatına görə, partlayış nəticəsində ölənlərin sayı 15-ə çatıb, 13 nəfər isə yaralanıb.
Hadisə yerli vaxtla saat 14 radələrində "Mukam xan" qəbiristanlığında qeydə alınıb.
Terrorçu-intiharçının özünü yerli hakimiyyət nümayəndəsinin dəfni zamanı partlatdığı bildirilir.