Bakı. Trend:
Koreya Xalq Demokratik Respublikasının (KXDR) lideri Kim Çen In Yaponiya ilə "istənilən vaxt" danışıqlara hazırdır.
Trend-in "Kyodo" agentliyinə istinadən verdiyi məlumata görə, bu barədə telefon danışığı zamanı Cənubi Koreya prezidenti Mun Çje İn Yaponiyanın baş naziri Şinzo Abeyə deyib.
Qeyd edək ki, aprelin 27-si Pxanmuncomda Cənubi Koreya prezidenti Mun Çje İn və KXDR-nın lideri Kim Çen In arasında görüş olub. Danışıqların yekunları üzrə iki ölkənin liderləri birgə "Sülh, çiçəklənmə və Koreya yarımadasının birləşməsi haqqında Pxanmuncom bəyannaməsi" imzalayıblar.