Bakı. Trend:
Venesuela prezidenti Nikolas Maduro Kolumbiya lideri Xuan Manuel Santosun hərbi münaqişəyə başlamaq niyyətində olduğunu bildirib.
Trend-in məlumatına görə, bunları Venesuela lideri hərbçilər qarşısında çıxışı zamanı bildirib.
N.Maduro deyib: "Xuan Manuel Santosun rəhbərlik etdiyi Kolumbiya höküməti silahlı münaqişə yaratmaq üçün Venesuela və Kolumbiya ərazisində hərbi xarakterli təxribat və aktlar seriyası hazırlayır".
Venesuela prezidenti hərbçiləri Santosun planlarına mane olmağa çağırıb.