Bakı. Trend:
Fransanın Jironda departamentində 18 avtomobilin iştirakı ilə yol qəzası baş verib.
Trend-in məlumatına görə, bu barədə "Agence France-Presse" xilasedici xidmətlərdəki mənbələr bildirib.
Məlumata əsasən, 13 minik avtomobili və 5 yük maşının toqquşması nəticəsində 8 nəfər xəsarət alıb. Xəsarət alanlar arasında 4 yaşlı uşaq da olub.
Bildirilir ki, qəza yolun buz bağlaması səbəbindən baş verib.