Bakı. Trend:
Bişkekdən Moskvaya uçan sərnişin təyyarəsi aeroporta partlayıcı qurğu qoyulması ilə bağlı anonim xəbər səbəbindən ləngiyib.
Trend-in məlumatına görə, hazırda "Aeroflot"un sərnişinləri təyyarənin göyərtəsindədirlər və aeroportdan havaya qalxa bilmirlər.
Qeyd edək ki, bu gün yerli vaxtla saat 15:00-da Qırğızıstanın Manas aeroportuna partlayıcı qurğu yerləşdirilməsi barədə hüquq-mühafizə orqanlarına anonim məlumat daxil olub.
Anonim zəngdən dərhal sonra hava limanında sərnişinlər və işçi heyət təxliyə edilib.