Bakı. Trend:
Çinin şimal vilayətində "Great Wall Biochemical Engineering" biokimya şirkətinin ərazisində qazdan zəhərlənmə baş verib.
Trend-in məlumatına görə, nəticədə 5 nəfər ölüb, daha 4 nəfər zəhərlənib.
Məlumata görə, hadisə fəhlələr müəssisədə su çənlərini təmizləyərkən baş verib.
Zəhərlənənlərin hamısı xəstəxanaya çatdırılıb.
İnsidentin hansı şəraitdə və hansı səbəbdən baş verməsi hələ məlum deyil. Araşdırma aparılır.