Bakı. Rufiz Hafizoğlu - Trend:
Türkiyənin şimalında Zonquldak vilayətində mədəndə faciə baş verib.
Trend-in məlumatına görə, kömür mədənində çökmə olub. Son məlumata görə, dağıntılar altında 2 mədənçi qalıb.
Hazırda hadisə yerinə xilasedicilər cəlb olunub, mədənçilərin həyatlarının xilas edilməsi istiqamətində operativ iş aparılır.
Mədəndə çökmənin hansı səbəbdən baş verdiyi hələ dəqiq məlum deyil. Faktla bağlı araşdırmaya başlanılıb.