Bakı. Trend:
İdlibdə Türk Silahlı Qüvvələrinin şəhid olan əsgərlərinin sayı 33-ə çatıb.
Trend-in türk KİV-lərinə istinadən verdiyi məlumata görə, bu barədə Hatay valisi Rahmi Doğan bildirib
Daha əvvəl 29 Türk hərbçisinin şəhid olduğu bildirib.
"Həlak olanların sayı 33-ə çatıb. Yaralıların vəziyyəti həkimlərdə narahatlıq doğurmur", - R.Doğan NTV telekanalının efirində deyib.
XXX
03:19 (GMT+4)
İdlibdə Türk Silahlı Qüvvələrinə qarşı törədilmiş hava hücumu nəticəsində şəhid olan türk əsgərlərinin sayı 29-a çatıb.
Trend-in türk KİV-lərinə istinadən verdiyi məlumata görə, bu barədə Hatay valisi Rahmi Doğan məlumat verib.
Bununla bağlı Türkiyə Prezidenti Rəcəb Tayyib Ərdoğan Ankarada Beştəpədəki Prezident Administrasiyasında təcili toplantı keçirib.
ХХХ
01:10 (GMT+4)
İdlibdə Suriya qoşunların aviazərbələri nəticəsində Türkiyə Silahlı Qüvvələrinin doqquz əsgəri şəhid olub.
Trend-in məlumatına görə, bu barədə Hatay valisi Rahmi Doğan deyib.
"Hücum nəticəsində 9 əsgərimiz şəhid olub. Yaralılarımız var, bəzilərinin vəziyyəti ağırdır. Onları Cilvegözü sərhəd məntəqəsindən Türkiyəyə gətirdik. Müalicələri davam edir", - deyə R.Doğan bildirib.