Bakı. Trend:
Gürcüstanda koronavirus pandemiyası ilə əlaqədar tətbiq olunmuş məhdudiyyətlərin yumşaldılmasının növbəti mərhələsi başlayıb.
Trend-in məlumatına görə, iyunun 15-dən etibarən ölkədaxili turizm tam bərpa olunub.
Bundan başqa, dəmir yolu ilə sərnişin daşımaları da işə düşüb.
İyunun 8-dən etibarən isə ölkədə restoran və kafelərin, hotellərin və valyutadəyişmə məntəqələrinin işi bərpa olunmuşdu.
Qeyd edək ki, beynəlxalq turizmin iyulun 1-dən açılması gözlənilir.
Gürcüstan Səhiyyə Nazirliyi ictimai iaşə müəssisələrinə və hotellərə müəyyən tövsiyələr verib.
Kafe və restoran maska taxmaq və iki metr məsafə saxlamaq zəruridir. Stol arxasında ən çox 6 nəfər otura bilər.
Hotellərə gəldikdə isə, yalnız Səhiyyə Nazirliyinin yoxlamasından keçən hotellər fəaliyyətini bərpa edəcək.
Bu günədək Gürcüstanda 879 nəfər koronavirusa yoluxub, 14 nəfər ölüb.