Bakı. Elnur Bağışov – Trend:
Ötən gecə saat 2 radələrində İranın cənubunda yerləşən Buşehr vilayətinin Xark adasında Xark Neft-Kimya Şirkətinin zavodunda yanğında baş verib.
Trend-in məlumatına görə, bunu İranın Xark Neft-Kimya Şirkətinin sözçüsü Məhəmməd Əli Kazemipur deyib.
M.Kazemipurun sözlərinə görə, zavodun anbarında təxminən 200 ton pentan olub. Baş verən yanğın səhər saatlarında söndürülüb. Hazırda soyudulma işləri aparılır.
Kazemipur yanğın nəticəsində ölü və yaralının olmadığını deyib.
Qeyd edək ki, Xark adasında İranın xam nefti ixracı üzrə əsas terminal yerləşir və İranın xam neftinin 98%-dən çoxunu ixrac edə bilər.