Bakı. Trend:
İsveç, Finlandiya və Türkiyə Helsinki və Stokholmun NATO-ya üzv olmaq təklifinin ratifikasiyasını müzakirə etmək üçün yeni danışıqlar planlaşdırıblar.
Trend xəbər verir ki, bunu "Dagens Nyheter" qəzetinə müsahibəsində İsveçin xarici işlər naziri Ann Linde deyib.
"Tezliklə daha bir görüşümüz olacaq", - deyə A.Linde bildirib.
Onun sözlərinə görə, İsveç hələ də ərizənin Türkiyə parlamentində ratifikasiyasına ümid edir. "Biz yeni görüşün tarixini hələ təyin etməmişik, lakin ümid edirik ki, Türkiyə hökuməti İsveç və Finlandiyanın ərizələrinin ratifikasiyasını Parlamentə göndərəcək. Onlar indi fasilədədirlər və yalnız oktyabrda işə qayıdacaqlar. Beləliklə, o vaxta qədər üzvlüklə bağlı çox az şey ola bilər", - deyə XİN rəhbəri bildirib.