Bakı. Trend:
ABŞ prezidenti Co Bayden ölkədə 2001-ci il 11 sentyabr hadisələrindən sonra elan olunmuş fövqəladə vəziyyət rejiminin müddətini daha bir il uzadıb.
Trend-in məlumatına görə, bu barədə Ağ Evin mətbuat xidməti bildirib.
Qeyd olunur ki, prezidentin Konqresə ünvanladığı bildirişdə ölkədə terror təhlükəsinin qalması ilə əlaqədar fövqəladə vəziyyətin müddətinin uzadıldığı vurğulanıb.
Xatırladaq ki, 2001-ci il sentyabrın 11-də Nyu-Yorkda Ümumdünya Ticarət Mərkəzinin iki göydələninə hücum nəticəsində 3 minə yaxın şəxs həlak olmuşdu. Sentyabrın 14-də o zamankı prezidenti Corc Buş bir il müddətinə fövqəladə vəziyyət elan etmiş və bu müddət hər il uzadılmışdı.