Bakı. Trend:
Neft İxrac Edən Ərəb Ölkələri Təşkilatının (OAPEK) baş katibi Əli ibn Sabt "OPEK+"un neft hasilatını azaltmaq qərarını düzgün və vaxtında qəbul edilmiş adlandırıb.
Trend xəbər verir ki, bunu OAPEK-in baş katibi şənbə günü "Al Arabiya" telekanalına müsahibəsində deyib.
"Bu qərar qlobal iqtisadiyyatın dinamikası ilə bağlı qeyri-müəyyənlikləri nəzərə alıb və "OPEK+"un neft bazarında hər hansı disbalansın qarşısını almaq üzrə aktiv tədbirlər görmək üçün uğurlu yanaşmasına uyğun olub", - deyə baş katib bildirib.