Bakı. Trend:
Braziliyanın keçmiş prezidenti Jair Bolsonaronun tərəfdarları bazar günü polislə toqquşub və ölkənin paytaxtında Milli Konqresin (зarlament) binasına basqın ediblər.
Trend-in məlumatına görə, bu barədə "Globo" televiziya kanalı xəbər verib.
Məlumata əsasən, polis etirazçılara qarşı gözyaşardıcı qazdan istifadə edib. Bolsonaro tərəfdarları çubuqlarla silahlanıb hüquq-mühafizə orqanlarının əməkdaşlarına daş atıblar.
Etirazçılar yanvarın 1-də prezident vəzifəsinə başlayan Luis İnasio Lula da Silva hökumətinin istefasını tələb edirlər.