Bakı. Trend:
İsrail Xarici İşlər Nazirliyinin Avrasiya və Qərbi Balkanlar departamentinin rəhbər müavini Simona Qalperinin ölkənin Rusiyadakı yeni səfiri olacağı gözlənilir. Onun namizədliyi İsrail Xarici İşlər Nazirliyinin Təyinatlar üzrə Ali Komissiyası tərəfindən təsdiqlənib.
Trend-in məlumatına görə, bu barədə Nazirliyin mətbuat xidməti bildirib.
"İsrail Xarici İşlər Nazirliyinin Təyinatlar üzrə Ali Komissiyası bu gün Simona Halperini İsrailin Rusiya Federasiyasındakı səfiri təyin etmək qərarına gəlib", - deyə qeyd olunub.
Bildirilib ki, indi bu təyinat hökumət tərəfindən təsdiqlənməlidir.