Bakı. Trend:
Moskvanın mərkəzində naməlum şəxslər iki nəfərə atəş açıb, onlardan pul olan çantanı oğurlayaraq qaçıblar. Hadisə nəticəsində bir nəfər yaralanıb.
Trend-in məlumatına görə, bu barədə Rusiya Daxili İşlər Nazirliyinin Moskva şəhər Baş İdarəsinin mətbuat xidməti bildirib.
Hüquq-mühafizə orqanlarından bildirilib ki, soyğunçuluq kuryerlərə qarşı törədilib.
İlkin məlumata görə, oğurlanmış çantada 300 milyon rubl (5,6 milyon manat) olub.
“Bankın yaxınlığında silahlı hücumdan sonra kompleks əməliyyat-axtarış tədbirləri davam etdirilir", - deyə qeyd olunub.