Bakı. Trend:
Yunanıstanın baş naziri Kiriakos Mitsotakis və Polşanın baş naziri Donald Tusk Ursula fon der Lyayenin yenidən Avropa Komissiyasının sədri vəzifəsinə namizədliyinin irəli sürülməsinə dəstək məktubu imzalayıblar.
Trend-in məlumatına görə, bu barədə "ERT-news" televiziya kanalı xəbər verib.
Məlumata əsasən, sağ mərkəzçi Yeni Demokratiya Partiyasının sədri olan K.Mitsotakis və Polşanın "Vətəndaş Platforması"nın rəhbəri D.Tusk məktubu Avropa Xalq Partiyası (AXP) adından imzalayıblar.
K.Mitsotakis özünün "X" sosial şəbəkəsindəki səhifəsində yazıb ki, o və D.Tusk "fon der Leyeni Avropa Komissiyasının sədrliyinə AXP-nin əsas namizədi kimi təklif etmək şərəfinə malikdirlər"