Bakı.Trend:
Avropa İttifaqı (Aİ) və Moldova respublikanın iki il müddətinə regional ittifaqın enerji bazarlarına tam inteqrasiyası ilə bağlı strategiyanı razılaşdırıblar.
Trend xəbər verir ki, bu barədə Avropa Komissiyasının rəsmi internet səhifəsində məlumat dərc olunub.
“Strategiyanın iki hədəfi var: Moldovanı etibarsız olan Rusiya enerji tədarüklərindən (asılılıqdan) qurtarmaq və onu tam olaraq Avropa İttifaqının enerji bazarına inteqrasiya etdirmək”,- bəyanatda qeyd olunur.
Sənəddə qeyd edilir ki, regional ittifaqla razılaşmalar çərçivəsində Kişinyova göstəriləcək maddi dəstək təkcə bu il 250 milyon avro təşkil edəcək. Həmin məbləğin 100 milyon avrosunu Brüssel artıq cari ilin aprel ayının ortalarına kimi çatdıracaq.