Bakı. Trend:
Liviyanın cənubunda yerləşən “Maaten əs-Sarra” hərbi bazası yaxınlığında Liviya Hərbi Hava Qüvvələrinə məxsus helikopterin qəzaya uğraması nəticəsində azı beş nəfər həlak olub.
Trend xəbər verir ki, bu barədə yerli media məlumat yayıb.
Bildirilib ki, helikopter səhradan təcili tibbi təxliyə məqsədilə humanitar missiya yerinə yetirirmiş.
Məlumata görə, həlak olanlar arasında Liviya hərbçiləri və tibbi heyətlə yanaşı, tibbi təxliyə briqadasının tərkibində olan iki əcnəbi hərbçi də var.
Hakimiyyət orqanları hadisənin səbəblərini araşdırmağa başlayıb. İlkin ehtimallara əsasən, helikopterin qəzaya uğramasına texniki nasazlıq səbəb olub.