Azərbaycan, Bakı, 8 iyun /Trend, müxbir Cəmilə Əliyeva/
Qarşıdan gələn I Avropa Oyunları Azərbaycanın inkişafını bütün dünyaya nümayiş etdirmək üçün yaxşı imkandır. Bu barədə Trend-ə Argentinanın Azərbaycandakı səfiri Karlos Dante Riva deyib.
O bildirib ki, ölkə I Avropa Oyunlarının yüksək səviyyədə keçirilməsi üçün çox əmək sərf edib və bu əmək, sözsüz öz bəhrəsini verəcək: "Oyunlar böyük uğurla keçiriləcək. "Bakı 2015" növbəti Avropa Oyunları üçün yüksək planka müəyyənləşdirəcək".
K.Riva qeyd edib ki, I Avropa Oyunları yalnız Avropa üçün böyük əhəmiyyət kəsb etmir: "Birincisi, belə tədbirlər rəqib olmalarına baxmayaraq, müxtəlif ölkələrin nümayəndələrini birləşdirir. İkincisi, birlikdə işlədikdə nələrə nail olmağı nümayiş etdirir. I Avropa Oyunları üçün yeni arenalar tikilib və mövcud idman obyektləri ən yüksək səviyyədə təmir edilib. Oyunlarda Avropanın ən yaxşı idmançıları iştirak edəcək. Azərbaycan I Avropa Oyunlarına hazırdır".