Azərbaycan, Bakı, 23 iyun /Trend, müxbir Hüseyn Vəliyev/
I Avropa Oyunları Azərbaycan xalqının qonaqpərvərliyini əyani şəkildə nümayiş etdirir.
Bu barədə Trend-ə I Avropa Oyunları çərçivəsində Türkiyəni üzgüçülük yarışlarında təmsil edən Erkan Mutlu deyib.
O bildirib ki, bu, Türkiyənin üzgüçülük komandasının Azərbaycana ilk səfəridir: "Bakı ilə yaxından tanış olmağa imkanımız olmadı. Buna baxmayaraq, ilk təəssüratımız şəhərin çox gözəl olduğunu deyir".