...

Avropa Oyunlarının akkreditasiya kartı ilə metroda nə vaxta kimi pulsuz hərəkət etmək olar?

Baku 2015 : EUROGAMES Materials 29 İyun 2015 14:06 (UTC +04:00)
İyulun 1-dən etibarən Bakı 2015 Avropa Oyunları Əməliyyat Komitəsində (BEGOC) rəsmi akkreditasiyadan keçmiş şəxslər metrodan pulsuz istifadə edə bilməyəcəklər.
Avropa Oyunlarının akkreditasiya kartı ilə metroda nə vaxta kimi pulsuz hərəkət etmək olar?

Azərbaycan, Bakı, 29 iyun /Trend, müxbir İlkin İzzət/

İyulun 1-dən etibarən Bakı 2015 Avropa Oyunları Əməliyyat Komitəsində (BEGOC) rəsmi akkreditasiyadan keçmiş şəxslər metrodan pulsuz istifadə edə bilməyəcəklər.

Bunu Trend-in sorğusuna cavab olaraq "Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib.

Şöbə rəisinin sözlərinə görə, BEGOC-da rəsmi akkreditasiyadan keçmiş şəxslər yalnız iyunun 30-u günün sonunadək metroda ödənişsiz hərəkət edə bilərlər: "İyulun 1-dən etibarən isə akkreditasiyalı şəxslərin metrodan pulsuz hərəkət hüququ qüvvədən düşəcək. Ona görə də həmin şəxslər də hamı kimi metroda ödənişli qaydada hərəkət etməlidirlər".

Qeyd edək ki, Bakı 2015 I Avropa Oyunları ilə əlaqədar BEGOC-da rəsmi akkreditasiyadan keçmiş, eləcə də əlində bileti olub idman arenalarına gedən şəxslərə Bakı Metrpoliteninin xidmətindən pulsuz istifadə hüququ verilmişdi.

Məqalədə:
Xəbər lenti

Xəbər lenti