Azərbaycan, Bakı, 30 iyun /Trend, müxbir Aygün Bədəlova/
Azərbaycan növbəti 10 ildə beynəlxalq idmanda böyük rol oynayacaq. Trend-in məlumatına əsasən, bu barədə "Aroun The Rings" (ATR) saytında yerləşdirlən məqalədə deyilir.
Məqalədə qeyd edilir ki, bazar günü Bakıda I Avropa Oyunlarının bağlanış mərasimi keçirilib.
ATR-ə müsahibəsində Azərbaycan Gənclər və İdman naziri Azad Rəhimov I Avropa Oyunlarının idman sahəsinin inkişafı üçün təkan olduğunu qeyd edib.
Nazir həmçinin bildirib ki, tezliklə 2024-cü il yay Olimpiya Oyunlarının keçirilməsi ilə bağlı ərizənin təqdim edilməsi üçün hökumət əldə olunmuş təcrübəni qiymətləndirəcək.