Azərbaycan, Bakı, 28 may /Trend/
"Eurovision-2012" mahnı müsabiqəsini izləmək üçün Bakıya qonaq gəlmiş şotlandiyalı professorİan Buick bir həftə ərzində Azərbaycanda gördüklərindən məmnun qalmışdır.
"Mən bu ölkədə gedən inkişafa, paytaxt Bakının gözəlliyinə heyran oldum", deyə Buick Trend-ə bildirib.
Şotlandiyalı qonaq ölkənin böyük sıçrayışla inkişafa qədəm qoyduğunu da bildirib.
Professor İan Bucik izlədiyi "Eurovision-2012" mahnı müsabiqəsinə ev sahibliyi edən Azərbaycanın bu böyük beynəlxalq tədbiri yüksək təşkilatçılıqla həyata keçirdiyini qeyd etmiş və jurnalistlərə müsahibəsini bu sözlərlə yekunlaşdırıb: "Fantastik şou idi, Azərbaycan özü də fantastik ölkədir, "Baku Crystal Hall"a isə söz ola bilməz"