Azərbaycan, Bakı, 15 iyul /Trend, müxbir İlhamə İsabalayeva/
Gənc bəstəkar Ayaz Qəmbərli dünyaca məşhur olan bəstəkarların 9-cu "Franz Schubert and Modern Music" Beynəlxalq Müsabiqəsinin qalibi olub.
Trend Mədəniyyət və Turizm Nazirliyinin saytına istinadən bildirir ki, bu il müsabiqədə münsiflər heyəti (Robert Höldrich'in başçılığı altında Chia Chou, Beat Furrer, Gerd Kühr, Andreas Lindenbaum və Isabel Mundry) 51 ölkədən 185 əsərə baxış keçirdi.
Mükafatın təqdimetmə mərasimi 2015-ci ilin fevral ayında Graz Konservatoriyasında keçiriləcək.