Bakı. Trend:
Sentyabrın 29-da Dənizkənarı Milli Parkda Nəsimi-şeir, incəsənət və mənəviyyat Festivalı çərçivəsində “DanceAbility” inklüziv rəqs qrupunun konserti olub.
Trend-in məlumatına görə, “DanceAbility Azerbaijan” təşkilatının üçgünlük məşqlərinin nəticəsi olan çıxış zamanı sağlamlıq imkanları məhdud şəxslərin də daxil olduğu rəqs qrupu özünüifadə hissinin doğurduğu sevinci tamaşaçılarla bölüşüb. Bu rəqslərin yaratdığı abu-hava Nəsiminin insanda ali və kamil məxluq görməkdən ibarət olan fəlsəfi ruhunu Bakı bulvarına gətirib.
Rəqqasların çıxışı tamaşaçılar tərəfindən böyük maraqla qarşılanıb.