Bakı. Asif Mehman - Trend:
4 avqust tarixində İtaliyanın Milan şəhərində 49 yaşında vəfat etmiş Eldar Əliyev Bakı şəhərində dəfn ediləcək.
Bu barədə Trend-ə Mədəniyyət Nazirliyindən məlumat verilib.
Azərbaycan və İtaliyanın musiqi mədəniyyətini özündə birləşdirən Eldar Əliyevin dəfn mərasiminin Bakı şəhərində hər iki ölkənin rəsmi nümayəndələrinin, sənətsevərlərinin iştirakı ilə təntənəli şəkildə keçirilməsi və böyük vokalçının xatirəsinin yaşadılması Azərbaycan Hökuməti tərəfindən təşkil ediləcəkdir.