...

Kafedə araq şüşəsi ilə adam öldürənin cəzası 11 il oldu

Gündəm Materials 28 Noyabr 2018 19:32 (UTC +04:00)
Bakı Ağır Cinayətlər Məhkəməsində qətldə təqsirli bilinən Emin Ramazanovun cinayət işi üzrə məhkəmə prosesi başa çatıb.
Kafedə araq şüşəsi ilə adam öldürənin cəzası 11 il oldu

Bakı. Samir Əli - Trend:

Bakı Ağır Cinayətlər Məhkəməsində qətldə təqsirli bilinən Emin Ramazanovun cinayət işi üzrə məhkəmə prosesi başa çatıb.

Trend-in məlumatına görə, hakim Samir Əliyevin sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə E.Ramazanov 11 il azadlıqdan məhrum edilib.

İttihama görə, bu ilin fevral ayının 18-də Sabunçu qəsəbəsi ərazisindən qəsəbə sakini 62 yaşlı Taryel Həmzəyev kəllə-beyin xəsarəti ilə xəstəxanaya gətirilib və martın 21-də xəstəxanada ölüb.

Sabunçu Rayon Polis İdarəsinin 12-ci Polis Bölməsinin əməkdaşları tərəfindən aparılan araşdırmalarla fevral ayının 16-da Sabunçu qəsəbəsi ərazisində yerləşən kafedə, T.Həmzəyevlə həmyerlisi 27 yaşlı Emin Ramazanov arasında münaqişə baş verməsi və bu zaman sonuncunun onun baş nayihəsinə şüşə qab ilə xəsarət yetirməsi müəyyən edilib.

Həyata keçirilmiş əməliyyat tədbirləri nəticəsində E.Ramazanov saxlanılıb.

Məqalədə:
Xəbər lenti

Xəbər lenti