...

Azərbaycan yığmasının çeçen əsilli məşqçisi: Hər iki xalqın nümayəndələrini belə təxribatlara uymamağa çağırıram

Gündəm Materials 17 Fevral 2019 14:38 (UTC +04:00)
Moskvada çeçenlərlə azərbaycanlılar arasında baş vermiş insident təxribatdır.
Azərbaycan yığmasının çeçen əsilli məşqçisi: Hər iki xalqın nümayəndələrini belə təxribatlara uymamağa çağırıram

Trend-i buradan izləyin

Bakı. Samir Əli - Trend:

Moskvada çeçenlərlə azərbaycanlılar arasında baş vermiş insident təxribatdır.

Bunu Trend-ə sərbəst güləş üzrə Azərbaycan yığmasının böyük məşqçisi, çeçen əsilli Zəlimxan Hüseynov bildirib.

O, hər iki xalqın nümayəndələrini belə təxribatlara uymamağa çağıraraq deyib: "Hörmətli qardaşlar, bu cür təxribatlara uymayın. Çünki bu hərəkətlər İslamın bütün normalarına ziddir. Mən Azərbaycanda sərbəst güləş üzrə millinin böyük məşqçisiyəm. Hər kəsi bir-birinə hörmət, səbr və qarşılıqlı anlayış göstərməyə çağırıram".

Qeyd edək ki, fevralın 14-də Moskvada azərbaycanlılar və çeçenlər arasında məişət zəminində münaqişə olub. Hadisə yerinə gələn polis əməkdaşları 18 nəfəri saxlayıb.

Məqalədə:
Xəbər lenti

Xəbər lenti