...

"SOCAR karbamid" zavodunun tikintisi Azərbaycanda gübrə idxalını azaldacaq - Direktor

Gündəm Materials 14 Mart 2019 13:11 (UTC +04:00)
"SOCAR karbamid" zavodunun tikintisi Azərbaycanda karbamid gübrə idxalını minimuma endirməyə imkan verəcək.
"SOCAR karbamid" zavodunun tikintisi Azərbaycanda gübrə idxalını azaldacaq - Direktor

Trend-i buradan izləyin

Bakı. Sara İsrafilbəyova - Trend:

"SOCAR karbamid" zavodunun tikintisi Azərbaycanda karbamid gübrə idxalını minimuma endirməyə imkan verəcək.

Trend-in məlumatına görə, bunu zavodun direktoru Xəyal Cəfərov “Argus Mineral gübrələr 2019. Xəzər-Qara dəniz regionunda istehsalat və logistika” beynəlxalq konfransında deyib.

Zavod rəhbəri qeyd edib ki, dünyada istehsal olunan karbamidin 90 faizi kənd təsərrüfatında istifadə olunur, bu, Azərbaycanda da belə olacaq.

Onun sözlərinə görə, XX əsrin ortalarından başlayaraq Azərbaycan, keçmiş SSRİ məkanında xüsusən də gübrə istehsalı sahəsində əsas kimya sənayeçilərindən birinə çevrilib.

X.Cəfərov deyib: "SSRİ dağılandan sonra istehsal dayanıb. Lakin Azərbaycanda kənd təsərrüfatı ənənələri olduğunu nəzərə alaraq hökumət karbamid zavodunun tikintisi barədə qərar qəbul edib".

Zavod direktoru qeyd edib ki, müəssisə iki dövlət proqramı çərçivəsində inşa olunub - birinci proqram Azərbaycanın ərzaq təhlükəsizliyi, digər proqram isə sənayenin inkişafı ilə bağlıdır.

Məqalədə:
Xəbər lenti

Xəbər lenti