...

Əli Hüseynli xüsusi rütbəli şəxslərin məxfiliyi ilə bağlı nazir müavininə sual ünvanlayıb

Gündəm Materials 6 Avqust 2020 14:01 (UTC +04:00)
Əli Hüseynli xüsusi rütbəli şəxslərin məxfiliyi ilə bağlı nazir müavininə sual ünvanlayıb

Bakı. Elçin Mehdiyev - Trend:

Hüquq-mühafizə orqanlarında və güc strukturlarında hərbi rütbə daşıyan şəxslərlə bağlı məlumatların yerləşdirilməsi “Dövlət sirri haqqında” və “Əməliyyat-axtarış tədbirləri haqqında” qanuna müvafiq olmalıdır.

Trend xəbər verir ki, bunu Milli Məclisin bu gün keçirilən növbədənkənar iclasında “Məşğulluq haqqında” qanuna dəyişikliyin müzakirəsi zamanı Milli Məclisin sədrinin birinci müavini Əli Hüseynli deyib.

Vitse-spiker bildirib ki, belə bir müddəa 4-cü maddədə işçi qaydasında təklif olunmuşdu: “Bəlkə bunun başqa formasını tapmısınız? Bununla bağlı məsələyə aydınlıq gətirərdiz".

Əmək və Əhalinin Sosial Müdafiəsi nazirinin müavini Anar Əliyev bildirib ki, hansı hissədə məlumatlar tam məxfidirsə, bu məlumatlar tam məxfi şəkildə gəlir:

“Qanunun hazırki mətninin 4.4.7-ci bəndinə əsasən, xüsusi rütbəli qurumların əməkdaşları ilə bağlı kağız daşıyıcılarla nazirliyə məlumatlar verilməlidir. Bu xüsusi adamların müəyyən olunmasını tələb edir. Bu məlumatlar dövri olaraq dəyişir. Bunun kağız üzərindən həyata keçirilməsi mümkün görünmür. Qanunda ona görə də “Dövlət sirri haqqında" qanuna və digər qanunlara istinad verilib. Həmin xüsusi rütbəli qurumlar öz işçiləri ilə bağlı məlumatları tam elektron şəkildə göndərirlər. Bütün tələblər qorunur. Bütün məlumatlar təhlükəsizlik qaydalarına uyğun olaraq elektron kanallar üzərindən həyata keçirilir. Eyni qaydanı yeni təklif etdiyimiz müddəalarda da nəzərə alırıq. Həmin məlumatlarda "Dövlət sirri haqqında" qanunun tələblərinin qorunması nazirlik tərəfindən təmin olunur”.

Məqalədə:
Xəbər lenti

Xəbər lenti