Bakı. Samir Əli - Trend:
Qeyri-sabit hava şəraiti Bakıda bəzi küçə və prospektlərdə sıxlığa səbəb olub.
Bu barədə Trend-ə Bakı Nəqliyyat Agentliyinin Mətbuat katibi Mais Ağayev məlumat verib.
O bildirib ki, müşahidə olunan sıxlıq səbəbindən müntəzəm və ekspres xətlər üzrə avtobusların hərəkət intervalında gecikmələr var:
"Sıxlıq əsasən R.Behbudov küçəsi, H.Əliyev prospekti kənar yollar hər iki istiqamət, Q.Qarayev prospekti Dakar dairəsi, Tbilisi prospekti hər iki istiqamət, A.Bakıxanov küçəsi, Ü.Hacıbəyov küçəsi, Z.Bünyadov prospekti hər iki istiqamət və Moskva prospektində yaranıb. Yağışlı hava şəraitini nəzərə alaraq hərəkət iştirakçılarından ehtiyyatlı olmağı xahiş edirik. Mümkün qədər yollarda avtobusların hərəkət şərait yaradılmasını xahiş edirik".
