...

Türk Dövlətlərinin prokurorlarının Azərbaycana səfəri başa çatıb (FOTO)

Gündəm Materials 11 Avqust 2022 12:15 (UTC +04:00)
Türk Dövlətlərinin prokurorlarının Azərbaycana səfəri başa çatıb (FOTO)

Trend-i buradan izləyin

Bakı. Trend:

Türk Dövlətləri Təşkilatının Baş Prokurorları Şurası çərçivəsində Azərbaycan Respublikası Baş Prokurorluğu tərəfindən təşkil edilmiş beynəlxalq seminarda iştirak edən Türkiyə, Özbəkistan, Qazaxıstan və Qırğız respublikalarının baş prokurorluqlarının nümayəndələri Şəhidlər xiyabanını ziyarət edərək, Azərbaycanın müstəqilliyi uğrunda şəhid olan qəhrəman Vətən övladlarının xatirəsinə ehtiramlarını bildiriblər.

Baş Prokurorluqdan Trend-ə verilən məlumata görə, qonaqlar Heydər Əliyev Mərkəzini ziyarət edərək, görkəmli dövlət xadiminin həyat və fəaliyyətini əks etdirən stendlərlə tanış olmaqla yanaşı, onlara həmçinin Mərkəzdə yerləşən muzey və eksponatlar barədə ətraflı məlumat verilib.

Baş Prokurorluğun yeni inzibati binasında qonaqlarla görüşən Baş prokurorun müavini Elmar Camalov keçirilmiş seminarın prokurorluq orqanları arasındakı hüquqi əməkdaşlıq əlaqələrinin genişlənməsində səmərəli vasitə olacağını bildirib.

Baş Prokurorluğun Elm-Tədris Mərkəzi, 44 günlük Vətən müharibəsinə həsr olunmuş tarixi-memorial qalereyasındakı eksponatlar, ən müasir cihaz və avadanlıqlarla təchiz edilmiş kriminalistika otağı, müasir hüquq ədəbiyyatı, normativ-hüquqi aktlarla zənginləşdirilən kitabxana ilə tanışlıq qonaqların marağına səbəb olub.

Səfər zamanı qonaqlar Hərbi Qənimətlər Parkı və paytaxtımızın tarixi-mədəni abidələri ilə tanış olublar.

Şuraya üzv dövlətlərin prokurorluq
orqanlarının əməkdaşlarının ölkəmizə səfəri başa çatıb.

Məqalədə:
Xəbər lenti

Xəbər lenti