Bakı. Trend:
“Telegram”da fişinq (phishing) hücumlarının sayı artıb.
Trend xəbər verir ki, “Angara Security” adlı şirkətin vermiş olduğu məlumata əsasən bu ilin birinci yarısında ‘Telegram”da hücumların sayı 5000-ə çatıb.
2023-cü ilin əvvəlində başlamış bu ciddi artım messencerin milyonlarla istifadəçisini təhlükə altına atır.
Bildirilir ki, keçən ilin yaz fəsli ilə müqayisədə, bu ilin yay aylarında “Telegram”la bağlı saxta saytların sayı 10% çoxalıb.
Qeyd edək ki, “Telegram” qlobal olaraq pulsuz, kross platforma, bulud əsaslı ani mesajlaşma xidmətidir. Xidmət ucdan-uca şifrələnmiş söhbətlər və videozənglər, "VoIP", fayl paylaşımı və bir sıra digər funksiyalar təqdim edir.
O, “İOS” üçün 14 avqust 2013-cü ildə, “Android” üçün 2013-cü ilin oktyabrında istifadəyə verilib. “Telegram” serverləri məlumat yükünü azaltmaq üçün müxtəlif bölgələrdəki beş məlumat mərkəzi ilə bütün dünyaya yayılıb. Əməliyyat mərkəzi Birləşmiş Ərəb Əmirliyinin Dubay şəhərində yerləşir.